Hos 10 | ZomZIV | STEP | Israel pen lenggui zaam ahi hi; amah mah in gah a gahkhia hi. A gah a khanna tawh kizui-in biakna-tau a tamzaw a dawh hi; a gam a daupaina tawh kizui-in a suang siangthote a zem hi.

o2Ku 12:28-30

Hosea 10

1 Israel pen lenggui zaam ahi hi; ^a
amah mah in gah a gahkhia hi.
A gah a khanna tawh kizui-in
biakna-tau a tamzaw a dawh hi;
a gam a daupaina tawh kizui-in
a suang siangthote a zem hi. ^b
2 Amaute lungsim khemhat a,
tu-in amaute khialhna thaman a thuak ding uh hi. ^c
TOPA in amau biakna-taute phiatmang dinga,
a suang siangthote uh a susia ding hi. ^d
3 Tua ciangin amaute in, “Eite in TOPA kihta lo
i hi manin kumpi i nei kei hi.
Ahi hangin kumpi nei taleng zong
ei adingin bang sem thei ding ahi hiam?” ci ding uh hi.
4 Amaute in kamciam tampi nei uh a,
a maan loin kiciamin ^e
thukimna a bawl uh hi;
tua ahi ciangin lokhawhna-a gunei kiakte bangin
thu kineihna a khangkhia hi. ^f
5 Samaria a teng mite in
Beth Aven ^{▼▼10.5 Beth Aven pen gitlohna inn cihna (Bethel min khat hi a, Pasian inn cihna hi)} a bawngno lim a kihta uh hi. ^h
Tua pen amau kiang pan kila in saltang ahi manin ⁱ
ama thupina nuam a sa mite hangin thum ding uh a,
tua milim bia siampite zong a tuaci ding uh hi. ^j
6 Tua pen Assyria ah
kumpi lianpa adingin siah in kipuak ding hi.
Ephraim maimawl ding hi;
Israel in a sing milimte ^{▼▼10.6 Ahikeh tua ngaihsutna tawh} a maizumpih ding hi. ^l
7 Samaria le a kumpipa, tui maitang-a
selkang bangin tui in taimang ding hi. ^m
8 Gitlohna ^{▼▼10.8 Hebrew in Aven;Beth Aven mah cihna Bethel neusekna min khat} munsangte kisusia ding hi - ^o
tua in Israel mawhna ahi hi.
Lingkungte le thangling kungte khangin
a biakna-taute uh a khuh ding hi.
Tua ciangin amaute in mualliante tungah, “Ko hong khuh un’” ci ding uh a,
mualneute tungah, “Ko hong cipnelh un!” ci ding uh hi.
9 Israel aw, Gibeah huna kipan na mawh khin zo a,
tua lai ah na om suak hi. ^{▼▼10.9 Ahikeh tua lai-ah panmun khat kila hi.}
Gibeah-ah gilo-a gamtate
gal in pha lo ahi hiam?
10 Ka lungkim ciangin amaute dan ka tuaksak ding hi; ^q
amaute in mawhna a bawlthuahte uh hangin
a thuaksak dingin amaute langah minamte kikaikhawm ding uh hi.
11 Ephraim in a kisinsa
an cil nuamsa bawngla ahi hi;
tua hi-a, a ngawng hoih ah
hakkol ka suan ding hi.
Ephraim ka hawl dinga
Judah in pelloin kho dinga,
Jacob in leitang a kalkaang pelmawh ding hi.
12 Thumaan note a dingin vawh unla, ^r
a kip tawntung itna at un.
Na leitang sitlaite uh kalkaang un; ^s
ahang in ama hong pai mateng leh
thumaan guahpi hong zuksak mateng ^t
amah TOPA zon hun ahi hi. ^u
13 Ahi hangin gitlohna na suan uh a,
gitlohna atin,
zuauphuahna gah na ne hi.
Nangma thahatna le na galhang tampite tungah
na kingak manin,
14 Shalman in gal do ni-in Beth Arbel vatmai a,
nupite le a tate uh tawh leilak a denna hun lai-a bangin
na kulh muanhuai khempeuh a kiphiat mai nadingin
na mite langkhat ah gal husa a hawk ding hi. ^v
15 Bethel aw, na gitlohna lian ahi manin
tua bangin nang tungah hong tung ding hi.
Tua ni a suah ciangin
Israel kumpipa a kisusia kiuhkeuh ding hi.